Vestland fylkeskommune deler ut kunstnarstipend til 17 kunstnarar
KUNSTNARSTIPEND: Musikaren Thea Hjelmeland er ein av 17 kunstnarar som har fått tildelt kunstnarstipend av Vestland fylkeskommune. Arkivfoto. Foto: Sissel Iren Skjerdal
Musikaren Thea Hjelmeland frå Førde ei av desse.
Ho og dei andre kunstnarane får 40.000 kroner kvar i stipend. Hovudutval for kultur, idrett og integrering vedtok tildelinga av kunstnarstipend 15. oktober.
Gjennom stipenda vil fylkeskommunen bidra til eit berekraftig og levande kunstliv i fylket, skriv fylkeskommunen i ei pressemelding.
– Vi vil gje skapande og utøvande kunstnarar høve til å utvikle seg eller fordjupe seg fagleg for å eksperimentere med nye uttrykk. Vi ser fram til å følge uttrykk og produksjon vidare, seier leiar for hovudutvalet Stian Davies i pressemeldinga.
Fylkeskommunen fekk inn 138 søknadar om kunstnarstipend i år. Totalt var det 33 søknadar innan musikk, der fire fekk tildelt stipend.
Det kom også inn søknadar innan visuell kunst, litteratur, film og scenekunst.
Desse har fått stipend i dei ulike kunstartane:
Musikk:
- Hilde Anine Hasselberg
- Njål Paulsberg
- Snorre Bjerck
- Thea Hjelmeland
Visuell kunst:
- Arne Rygg
- Brynhild Grødeland Winther
- Linda Morell
- Laurie Lax
- Maria Victoria Høvring Høeg
- Åse Ljones
Scenekunst:
- Jeff Pedersen
- Jingy Wang
- Karen Eide Bøen
Film og litteratur:
- Kjersti Rasmussen
- Lars Svisdal
- Sandra Lillebø
- Thomas Endresen
Kommentarer til denne saken