Klokka 13.45 fekk politiet melding om ei trafikkulykke i Eikefjord i Kinn kommune. Det melder Vest politidistrikt.
Ulykka skal ha skjedd på Fv. 611 i Eikefjord.
– Vi har fått melding om ei singelulykke. Bilen skal ha køyrt utfor vegen og hamna på taket, seier Tatjana Knappen, operasjonsleiar i Vest politidistrikt.
Knappen fortel at sjåføren er vaken og ute av bilen.
– Vedkommande har ikkje vore medvitslaus og er tilsnakkande.
Politi, brannbil og ambulanse er på veg mot staden, opplyste ho like etter klokka 14.00.
Les også