All helikoptertrafikk til og frå Nordsjøen frå Bergen er innstilt ut dagen. Flytrafikken er ikkje råka. Det var NRK Vestland som melde om saka først.
I Florø vart eit helikopter frå Visund-plattforma omdirigert til Førde lufthamn tysdag morgon. Også eit rutefly frå Bergen som skulle landa i Florø vart sendt til Førde.
Helikoptertrafikken i Stavanger vart også råka av stans i morgontimane. Følg situasjonen på Heliport.no.
I Florø var DAT-avgangen frå Oslo forseinka. Det skulle ha landa 10.20, men landa 11.16. Lufthamsjef Siv Merete Stadheim var optimistisk for resten av dagen:
– Ifølge vêrmeldingane er det meldt meir vind frå klokka 12 i dag, då reknar vi med at tåka vil lette og at vêret betrar seg utover dagen. No ser vi ein flik av blå himmel og sola er i ferd med å bryte igjennom her på lufthamna, fortel ein optimistisk lufthamnsjef til Firdaposten.
Det fekk ho også rett i. Flytrafikken frå Florø går, men ein må rekne med forseinkingar.
Tåke stoppa ferjesamband
Dette var ein av dei varmaste plassane i landet i natt