Problema gjaldt bruk av mobildata og ringing.
– Vi har identifisert feilen og utført tiltak. Vi forventar at trafikken vil stabilisere seg framover. Om nokon framleis har problem med mobil tale, tilrår vi å setje mobilen på flymodus, for så å skru over på normalmodus igjen. Då blir ein sikra at han blir opp igjen rett kopla, skriv pressesjef Anders Krokan i Telenor til NTB.
VG melde om problema rett før klokka 11 onsdag formiddag.
– Vi opplever for tida uro på mobildata og det fører til at folk kan oppleve at det er vanskeleg å få ringt og kan oppleve brot under samtalen, sa Krokan til avisa.
Selskapet opplyste då at problema gjaldt heile landet.