Gå til sidens hovedinnhold

Uhaldbart av politiet

Artikkelen er over 2 år gammel

Lesarbrev Dette er eit debattinnlegg, skrive av ein ekstern bidragsytar. Innlegget gir uttrykk for skribenten sine haldningar.

Ifølge Politiet på sentralbordet til 02800, skal dei tidlegare telefonproblem vere løyst.

Tysdag ringde eg nummeret. Det tok over 7 minutt før ei hyggeleg dame svarte meg. Ho skulle sette meg over til Florø, der personen eg var ute etter, oppheldt seg.

Etter ein del fram og tilbake, med forsøk på «andre» nummer i Florø, måtte ho gi opp. Ho beklaga, og sa at kanskje dei var til lunsj, eller noko, ho viste ikkje.

Eg prøvde å få hans kontornummer. Det viste seg at han ikkje har det. E-post kunne ho heller ikkje finne/gi opp. Fekk til slutt eit anna kontornummer eg kunne prøve sjølv, seinare, i tilfelle dei hadde lunsj ... Fekk ikkje svar. Total samtaletid frå eg ringde opp, til ho gav meg eit telefonnummer tok det 17 minutt 28 sekund. Eg kallar dette uhaldbart!

Er heller ikkje imponert over kunnskapen hennar om distrikt/geografi «der oppe», som ho sa. Det gjekk litt vel i surr ang. Førde/Florø/Sogn/Sunnfjord/Sogn og Fjordane.

Har tidlegare nemnt i Firda, at eg neppe kjem til å melde frå om noko eg ser av krim/anna eg måtte komme over. Dette var 3. gong i år eg har prøvd å komme i kontakt med lokalt politi, utan å lykkast.

Skal legge til at om eg ser noko som GJELD LIV ELLER DØD, RING 112, skal eg ringe det nummeret. Ver ikkje redd.

 

Kommentarer til denne saken