Steinblokk har sklidd ut i vegbana mellom Olden og Loen

Stor steinblokk har sklidd ut i vegbana ved Tyvanestunnelen på fv. 60 mellom Olden og Loen. Det melder Vegtrafikksentralen Vest.

– Det er truleg frostsprengt masse som har falle ut i vegen, seier trafikkoperatør John Andreas Omdal til Firda.

Steinen, som er på om lag 2,5 kubikk, dekker deler av vegbana, men det skal vere mogleg for trafikk å passere på staden.

Entreprenør er framme på staden, men Omdal seier at jobben med å rydde truleg ikkje startar før det har lysna.