Sjukdomstrøbbel for Tarjei Bø

SJUK: Tarjei Bø slit med sjukdom. – Dette er Tarjei i eit nøtteskalm, seier idrettssjef Odd-Bjørn Hjelmeset.

SJUK: Tarjei Bø slit med sjukdom. – Dette er Tarjei i eit nøtteskalm, seier idrettssjef Odd-Bjørn Hjelmeset. Foto:

Av
Artikkelen er over 1 år gammel

SKISKYTING: Tarjei Bø har vore sjuk i ein månad med ei forkjøling som ikkje slepper taket. Landslagsleiinga finn ikkje svar på kva som feiler 30-åringen.

DEL

Den sjukdomsforfølgde stryningen er ein del av det norske laget under Blinkfestivalen i Sandnes, men er ikkje i form. Sjukdomsproblema oppstod etter ei samling i Torsby, like før bryllaupet til veslebror Johannes Thingnes Bøs i slutten av juni.

– Tarjei er lurven. Vi finn ikkje ut kva det er. Han er i trening, men han har ei forkjøling som ikkje slepper taket. Han har prøvd seg på trening, men seier at han ikkje er hundre prosent. Det er kjedeleg for han, seier idrettssjef Odd-Bjørn Hjelmeset i Norges Skiskyttarforbund til NTB.

– Ingenting farleg

Bø hadde same trøbbel i oppkøyringa til førre sesong. Han fekk også deler av førre sesong øydelagt av sjukdom. Han har også trøbla i innleiinga til fleire sesongar tidlegare.

– Han har hatt det ein om lag ein månad, men det er ingenting farleg. Dette er Tarjei i eit nøtteskal. Han kan vere sjuk som no, og så blir han rå når sesongen startar. Eg er ikkje uroa, seier Hjelmeset.

Eckhoff også sjuk

Tiril Eckhoff er også blitt småsjuk i forkant av Blinkfestivalen.

– Ho er sjuk og har gått på antibiotika, men reiser ned. Det er ikkje noko alvorleg. Det kan tenkjast at ho blir med på nokre skytekonkurransar, seier Hjelmeset.

Resten av løparane i den norske skiskyttareliten er friske og raske og påmelde til øvingane i Sandnes. Blinkfestivalen opnar onsdag og varer til og med laurdag.

Artikkeltags