Johannes Thingnes Bø gjekk inn til sesongens første verdscupsiger under dagens sprint i Pokljuka, Slovenia.

Stryningen gjekk i mål på tida 23.43, over halvminuttet før storebror Tarjei på fjerdeplass.

Antonin Guigonnat frå Frankrike og Alexandr Loginov tok høvesvis andre- og tredjeplass.

– Det skjer noko med kroppen min når det er verdscup. Eg kjenner det liksom i kroppen når eg legg meg i senga. Ein rar følelse, seier Thingnes Bø til NRK.

– Ein god dag for familien Bø i dag. Eg er ein stolt bror, seier eldstemann til NRK etter rennet.