Førde-utøvaren Håvard Gutubø Bogetveit gjekk ankeretappen for det norske stafettlaget i mix-stafetten i Canmore i Canada seint søndags kvelden.
Og det gjorde han på imponerande vis.
Han greidde seg med eitt ekstraskot på sine to skytingar, og gjekk det norske laget inn til 3. plass.
Bogetveit tapte 20 sekund til den tyske stjerna Simon Schempp på sin etappe, greidde å halde både USA og Frankrike bak seg i løypa.
Dermed kunne han stige opp på sigerspallen saman med resten av det norske laget søndag, det er Gutubø Bogetveit si første pallplassering i verdscupen.
Tyskland vann framfor Italia.
På det norske laget gjekk Marte Olsbu, Synnøve Solemdal, Alexander Os og Håvard Gutubø Bogetveit.