No blir han sjef for idretten

Når idrettsleiarar frå heile fylket samlast på Idrettstinget på Sandane i helga, så vil tidlegare fylkesordførar Nils R. Sandal venteleg bli vald som ny sjef for idretten i fylket.

Når idrettsleiarar frå heile fylket samlast på Idrettstinget på Sandane i helga, så vil tidlegare fylkesordførar Nils R. Sandal venteleg bli vald som ny sjef for idretten i fylket. Foto:

Artikkelen er over 6 år gammel
DEL

– Eg trur ikkje vi kunne fått ein betre politisk leiar enn Nils R. Sandal, seier leiaren i valnemnda i idrettskrinsen, Gunnar Harstad.

Val i helga

Når idrettsleiarar frå heile fylket samlast på Idrettstinget på Sandane i helga, så vil tidlegare fylkesordførar Nils R. Sandal venteleg bli vald som ny sjef for idretten i fylket.

– Det vil overraske meg om det vil komme opp motkandidatar under tingsete. Når vi starta jobben med å sy i hop eit nytt styre seinhaustes, så hadde vi som målsetting å få ein leiarkandidat som vil vere synleg, og som hadde solid politisk ballast. Og i det perspektivet må vi vel seie at vi har lukkast, seier Harstad.

Godt nøgde

Harstad viser til at Nils R. Sandal bad om litt omrømmingstid før han gav sitt svar.

– Men då han gav sitt positive svar for tre-fire veker sidan, så vart vi sjølvsagt letta. Sjølv om vi også hadde nokre andre kandidatar på blokka i tilfelle vi hadde fått nei, seier Harstad, og viser til at valnemnda har lagt vekt på å legge fram eit framlegg til nytt styre med god balanse, både når det gjeld erfaring og kjønn.

– Når vårt framlegg til ny styreleiar, Nils R. Sandal, ikkje har så brei erfaring frå idretten i seg sjølve, så var vi opptekne av at dei andre i styret hadde god idrettsfagleg bakgrunn. Dessutan ville vi gjerne halde på litt av kontinuiteten i idrettskrinsstyret, seier Harstad.

Held fram i styret

Leiaren i valnemnda er difor godt nøgd med at avtroppande leiar Aud Kari Isane og nestleiar Arve Heimdal begge held fram i styret. Heimdal som nestleiar, medan Isane går inn som styremedlem.

– Dessutan er vi veldig godt nøgde med at vi av sju styrekandidatar, har fire kvinner, seier Harstad føre helgas tingsete.

Dette er valnemnda sitt framlegg til nytt styre i Sogn og Fjordane idrettskrins for perioden 2014-2016:

Leiar: Nils R. Sandal, Breimsbygda idrettslag (ny)

Nestleiar: Arve Heimdal, Stårheim idrettslag (attval)

Styremedlem: Aud Kari Isane, Balestrand idrettslag (ny, som styremedlem)

Styremedlem: Ruth Sølvi Helland, Florø Sportsklubb (ny)

Styremedlem: Lilly Schøyen, Sogndal idrettslag (ny)

1. varamedlem: Ingrid Heien, Gloppen handballklubb (ny)

2. varamedlem: Stian Grimseth, Tambarskjelvar (attval).

Artikkeltags

Kommentarer til denne saken