Gå til sidens hovedinnhold

Hyllestad gjorde reint bord i junior-NM i biljard

Artikkelen er over 3 år gammel

SPORT: Juniorspelarane frå Hyllestad stakk av med heile ti medaljar under helgas norgesmeisterskap i Horten

– Vi har hatt ei fantastisk helg igjen, to av ungdommane har blitt norgesmeistrar i dag, seier ein nøgd leiar i Hyllestad idrettslag sin biljardgruppe, Gjermund Flage.

Meisterskapet gjekk over to dagar, der det vart konkurrert om medaljar i både 8-ball og 10-ball. I dagens 10-ballkonkurranse tok Hyllestad-spelarar heim gullet i både dame- og herreklassen.

Katja Wolff (16) tok sitt første NM-gull, og slo ut lagvenninne Nina Torvund (16) i finalen.

 

Gard Eiken Flage (17) tok gullet i U19-klassen, og kunne dimed feire sin 7. NM-tittel.

– Det er litt konkurranse innanfor klubben om å ha flest NM-medaljar. Det var ekstra stas i dag, for no har han tangert rekorden, fortel gruppeleiaren, som og er far til juniorspelaren.

Han fortel vidare at ein sterk prestasjon i NM lover godt for uttakinga til landslaget, og NM i Nederland i sommar.

 

Desse tok medaljar for Hyllestad i helga:

Astrid Eiken Flage: Bronse, 10-ball

Katja Wolff: Gull, 10-ball. sølv, 8-ball

Nina Torvund: Sølv, 10-ball. Bronse, 8-ball

Eirik Tonning Hatløy: Bronse, 10-ball. Bronse, 8-ball.

Gard Eiken Flage: Gull, 10-ball. Sølv, 8-ball.

Stein Tore Nybakk: Bronse, 10-ball

Kommentarer til denne saken