Gå til sidens hovedinnhold

Ordførarar reagerer på omstillinga i Vegvesenet

Artikkelen er over 2 år gammel

Fleire ordførarar reagerer på forslaget om omorganisering i Statens vegvesen. Dei meiner omorganiseringa er ei sentralisering.

Måndag ettermiddag la Statens vegvesen fram eit forslag for korleis dei skal organisere drifta i framtida. Forslaget inneber mellom anna å erstatte dei fem regionane i dag med seks nye divisjonar og flytting av kontor.

Jon Håkon Odd er ordførar i Leikanger, han seier til NRK at det er ei massiv sentralisering av makt til dei store byane, trass i at Leikanger får behalde regionleiinga.

– No ligg det an til å flytte vegmakt frå Bodø til Tromsø, frå Molde til Trondheim, frå Lillehammer til Drammen og frå Leikanger til Bergen, seier han.

Ordføraren i Eid er heller ikkje nøgd med det nye forslaget. Han seier forslaget er kroken på døra for kommunar hans.

– Eg er rasande, og dersom dette blir ståande etter den politiske handsaminga er ikkje Granavolden-erklæringa verd pixelane i pdf-fila ho er skriven i, seier han.

Regionvegssjef i Statens vegvesen, Helge Eidsnes, avviser påstandane om sentralisering.

– Vi har stor forståing for at ordførarane jobbar for tenestetilbodet og arbeidsplassane i kommunane sine. Men dette er ikkje sentralisering. Vi flytter mange avgjerder ut frå Oslo. Det er også 270 tilsette som skal flyttast ut av Oslo, seier han.

Les også

Statens vegvesen vil omorganisere

 

Kommentarer til denne saken