Lanserer sin eigen vin

Solund har fått sin eigen vin, ein italiensk og ein fransk, med etikettar laga av kunstnaren Magne Hamre.

Solund har fått sin eigen vin, ein italiensk og ein fransk, med etikettar laga av kunstnaren Magne Hamre. Foto:

Artikkelen er over 6 år gammel

- Vi ville ikkje ha cognac, slik som alle andre har.

DEL

Lokale nyheiter - 5 kr for 5 veker

Solund næringsutvikling står bak ein eigen Solundvin, i samarbeid med Solund eiendom og kunstnaren Magne Hamre, som er busett i Solund.

Dei har valt ut to raudvinar, frå ein fransk og ein italiensk produsent, og Magne Hamre har laga etikettar til vinane.

Byggje totaloppleving
- Vinen skal brukast på serveringsstader i Solund, og vil også bli selt gjennom Vinmonopolet, seier Tom Erling Bahus i Solund næringsutvikling.

Dei har ikkje nasjonal lansering av vinen i tankane, og har som prøveprosjekt bestilt inn 500-600 flasker.

- Det handlar om å bruke den i samband med ei totaloppleving i Solund. Til våren kan det hende vi også lanserer ein kvitvin, seier Bahus.

Meir anvendeleg
Etiketten som Hamre har laga til vinen tek utgangspunkt i eit grafisk blad med motiv frå Utvær.

Bakgrunnen for vinlanseringa var at nokon sa at Solund kanskje trengde ein eigen vin til serveringsstader.

- Vi kunne også ha laga ein cognac, men det gjer jo alle andre. Vi ville heller ha noko som er meir anvendeleg, seier Bahus.

Artikkeltags