Aldri opplevd slike snømengder i november

På Bøanedsetra i Stryn er det meir enn ein meter med snø. - Har aldri opplevd makan, seier hytteigar Jon Olav Leira.

På Bøanedsetra i Stryn er det meir enn ein meter med snø. - Har aldri opplevd makan, seier hytteigar Jon Olav Leira. Foto:

STRYN: Allereie over meteren med snø.

DEL

I Nordfjord har snøen lava godt ned i det siste, og då Jon Olav Leira kom opp på hytta si fredag kveld låg det 105 centimeter snø på bakken.

– Vi har aldri opplevd maken. Hytta vår ligg midt i hyttefeltet ved Bøanedsetra ved Stryn skisenter, og det er ikkje så langt ned til Stryn sentrum, seier Leira som til dagleg er lærar ved Slåtten skule i Førde.

Nordvestleg vind

Han viser til at snømengdene skuldast nordvestleg vind i ein periode, og at nedbøren då kjem i form av snø i dette området.

– Vi har opplevd store mengder snø her oppe i romjula tidlegare, men aldri slik som dette i november månad. Det lovar svært godt for oss som elskar skiidretten, seier Leira då Firda kontaktar han for å få nokre synspunkt på bildet han la ut på si Facebook-side fredag kveld.

Informasjonsskiltet viser kor mykje snø som har komme.

Informasjonsskiltet viser kor mykje snø som har komme. Foto:

– I dag er vêret flott her oppe, og det har ikkje komme nemneverdig med snø i løpet av natta. Vi ser i blå himmel, og nokre av fjelltoppane rundt her ligg bada i sol. Så først får vi ta oss ein tur på langrennsskia i løypene, før vi reiser inn på hytta for å ete graut. I ettermiddag vert det garantert laussnøkøyring i alpinanlegget, seier Leira.

Stort smil

Og på sin tur i langrennsløypa møtte Leira løypesjef ved Ullsheim i Markane, Arvid Hatledal.

Med 105 centimeter snø er det glimrande tilhøve for skiaktivitetar.

Med 105 centimeter snø er det glimrande tilhøve for skiaktivitetar. Foto:

– Med så enorme mengder snø, så var han eit einaste breitt glis. Og det er ikkje vanskeleg å forstå. Her vil det kunne bli skiføre i lang tid framover. Så dette gler oss, seier Leira.

Artikkeltags