Tissing på gata, slåsting og for mykje drikking – slikt blir det jobb av

Artikkelen er over 1 år gammel

Politiet har hatt litt av kvart å gjere på natt til søndag.

DEL

Ut frå twitter-kontoen til politiet har dei hatt ymse å ta hand om natt til søndag.

I Høyanger måtte ein rusa mann visast vekk frå eit hotell  kvart over tolv.  Mannen i slutten av 40- åra blei nekta servering fordi han var for full.

– Folka som jobba der var redd at han skulle bli kranglete, så patruljen kom til staden og viste han vekk, seier operasjonsleiar Hans Eirik Thue i Vest politidistrikt. 

I Øvre Årdal kom det melding om ordensforstyrring like etter klokka 01.00 natt til søndag. Ein mann på pubtur blei omtalt som utagerande og politiet kom.

– Han var nok litt høgt oppe, og patruljen køyrde han heim til foreldra. 

I Florø måtta politiet ta hand om to personar som hamna i slagsmål utanfor sentrum. Politiet kom til staden og sende dei to til kvart sitt. Saka blei ordna på staden.

Like greitt gjekk det ikkje for mannen som slo lens i Florø sentrum. Han blei ferska av politiet og kan vente seg at saka for konsekvensar. 

Artikkeltags