Eit vogntog har køyrt utfor vegen og ligg på eine sida søndag kveld. Vogntoget ligg på ei mark nedanfor vegbana ved Seljetsetkrysset mellom fv60 og fv726 i Hornindal. Politiet fekk melding om ulykka klokka 22.05.

Alle naudetatane rykte ut til staden. Føraren skal vere ein mann i 70-åra, ifølge politiet er han ute av bilen klokka og uskadd. Vogntoget var lasta med fisk i kassar, som blir lasta om. Det melde politiet klokka 23.30.

Det er ingen mistanke om ruspåverknad.

– Vogntoget har truleg køyrt ut på grunn av dårleg føre, skriv politiet i Vest politidistrikt på Twitter.

Ifølge politiet har vogntoget komme utanfor asfaltkanten. Bergingsarbeidet kjem til å ta heile eller store delar av natta. Det blir ordna med alternativ køyrerute, men ved midnatt var vegen framleis open.