Trafikkuhell på fylkesveg – blir politimeld for dårlege dekk

Politiet i Sogn og Fjordane melder torsdag føremiddag om eit trafikkuhell ved Lyngvoll på fv. 60 i Hornindal.

Ein mann i 40- åra kom frå hendinga utan skader, men blei politimeld for å ha dekk under mønstergrensa.

–  Vinterdekke var dårlege, seier operasjonsleiar Olaug Holme i Sogn og Fjordane politidistrikt.

Ulykka skjedde ved ein sving og bilen hamna utfor vegen.

Det var ein forbipasserande som melde ifrå om hendinga.

– Det førte til at brann, ambulanse og politiet rykka ut, noko som ikkje var nødvendig, seier Holme, som oppmodar folk om å gi beskjed dersom det ikkje er personskade.

– Det kan føre til unødige utrykkingar, sjølv om det i denne saka enda med ei bot for dårlege dekk.