Sjå korleis det har blitt på E39 i Jølster!

E39 Årdal - Skei

E39 Årdal - Skei Foto:

Landmålar knipsa desse bilda av den nye europavegen. Etter 2,5 år med arbeid nærmar prosjektet seg slutten.

DEL

– Eg er veldig fornøgd. Men det blir endå finare når alt er heilt ferdig.

Det seier byggjeleiar Jan Bjarne Thorsnes i Statens vegvesen.

Frå neste veke tek arbeidet på E39 mellom Årdal og Skei sommarferie i tre veker. Før helga vart hovudvegen asfaltert ferdig, og onsdag var landmålar Kai-Henry Haugen ute og tok bilde av resultatet.

Sidan oppstart i mars 2017 har det vore jobb på den elleve kilometer lange vegstrekninga i Jølster.

– Tatt i betraktning at vi skulle bygge heilt ny veg på ei strekning med så mykje trafikk er dette innanfor. Det har stort sett gått fint og folk har hatt forståing og vore tolmodige. Vi fekk litt kritikk og klaging til å begynne med, men det har minka, fortel byggjeleiaren.

Når ferien er over står det att litt småplukk.

– Mellom anna oppmerking, litt rekkverk og smådetaljar som jord i skråningar og liknande. Men grønt blir det nok ikkje til opninga, seier Thorsnes.

– Kor mykje tid vil ein spare frå Skei til Førde no?

– Frå Skei til Vassenden er det 22 km. Om ein held fartsgrensa vil ein klare å køyre mellom bygdene på 20 minutt. Så er det vel 15 minutt frå Vassenden til Førde. Eg tippar ein sparar kring 10 minutt frå Skei og Førde no, svarar byggjeleiaren.

Hovudvegen er lagt utom Haugen camping / Jølster panorama nære Skei.

Hovudvegen er lagt utom Haugen camping / Jølster panorama nære Skei. Foto:

Ein ny rasteplass har også kome opp ved Årdal.

Ein ny rasteplass har også kome opp ved Årdal. Foto:

Helgheim kyrkje, E39 mellom Årdal og Skei.

Helgheim kyrkje, E39 mellom Årdal og Skei. Foto:

Artikkeltags