No kjem Høyanger på barne-TV

KJEM PÅ TV: Håkon Gunnarskog frå Høyanger har ein familie der alle spelar i korps. Denne tysdagen kjem han på TV-skjermen i den nye serien frå NRK Sogn og Fjordane.

KJEM PÅ TV: Håkon Gunnarskog frå Høyanger har ein familie der alle spelar i korps. Denne tysdagen kjem han på TV-skjermen i den nye serien frå NRK Sogn og Fjordane. Foto:

Håkon Gunnarskog (10) frå Høyanger er hovudperson i tysdagens episode av «Bli med heim».

DEL

– Vi håpar at barn og småbarnsfamiliar i heile Norge vil like å bli kjent med desse barna og familiane deira, seier Stine Kyrkjebø Johansen i NRK Sogn og Fjordane.

Ho er prosjektleiar for NRK Super-serien «Bli med heim», som nyleg har kome med ny sesong. Denne tysdagen blir andre episode sendt, og den handlar om Håkon Gunnarskog (10) i Høyanger.

12 episodar

«Bli med heim» er ein dokumentarserie om barn som veks opp i ulike familiar. Den er produsert av NRK Sogn og Fjordane, av Stine Kyrkjebø Johansen, Wilhelm Støylen og Kaia Johnsen Viki.

Første episode handla om ei som veks opp med ein far i fengsel. Tysdagens episode handlar om at heile familien til Gunnarskog spelar i korps.

Det er totalt 12 episodar i den nye, tredje sesongen. Dei første seks episodane blir sendt kvar tysdag på barne-TV og på nett. Dei siste seks episodane blir sendt i desember som ein del av Julemorgen på NRK Super.

Fleire frå fylket med i serien

Episodane handlar om born over heile landet. I tillegg til Håkon Gunnarskog, er fire andre barn frå Sogn og Fjordane med i den nye sesongen:

Maiken Tansøy Stølen frå Stryn, som har ein storebror som har fått kreft.

Selma Yusuf Ali Ibrahim frå Måløy, som har ei bestemor i eit land langt vekke.

Kristian Gjelsvik Bjordal frå Lånefjorden i Balestrand kommune, som saman med familien sin hjelper kattar som ikkje har ein heim.

Lydian Haaland frå Stave på Stadlandet, som veks opp som pinseven.

Artikkeltags