Uvêret har allereie ført til fleire stengde fjellovergangar, opplyser Vegtrafikksentralen.

På Hemsedalsfjellet er det innført kolonnekøyring.

– Fjellovergangane Vikafjellet, Tyin-Årdal og Aurland - Hol er stengde, opplyser trafikkoperatør Andreas Herland ved Vegtrafikksentralen i 10-tida.

– På Strynefjellet er det endå ope, men der kan det bli innført kolonnekøyring. Det same gjeld Filefjell. Vêret vil bli verande stygt i heile dag, så det vil vare, dette her, seier Herland.

På Vegvesenets sider blir det opplyst at Hemsedalsfjellet kan bli heilt stengt på kort varsel.