Moped med to personar stoppa i Førde – hadde ikkje lappen, og politiet mistenker rus

DEL

Klokka 23 laurdag kveld stoppa politiet ein moped med to personar på i Førde sentrum.

– Føraren hadde ikkje førarkort, og politiet mistenker også at personen var påverka av narkotika. Det vart oppretta sak og føraren blir tatt ut til blodprøve, seier Stine Mjelde, operasjonsleiar i Vest politidistrikt.

Politiet måtte rykke ut til fleire andre hendingar i Sogn og Fjordane natt til søndag, og det dreia seg for det meste om høg musikk og bråk.

Klokka 2 var politiet på Sande etter at dei fekk melding om høg musikk. Der møtte dei ei lita samling av personar, og bad dei om å dempe musikken sin.

Politiet fekk også melding om høg musikk, fyll og uskikkeleg åtferd i Stryn.

– Det var nokre samlingar av russ, men det var ikkje noko spesielt for politiet å ta tak i. Politiet opplevde ikkje det slik som den som meldte gjorde, seier Mjelde.

Artikkeltags