Aksjen stuper etter vedtak i Førde

Nordic Mining sin aksje gjekk ned med 9,2 prosent i dag, etter at Førde forsmannskap i går vedtok ESA-klage.

Nordic Mining sin aksje gjekk ned med 9,2 prosent i dag, etter at Førde forsmannskap i går vedtok ESA-klage. Foto:

Artikkelen er over 3 år gammel
DEL

Torsdag vedtok Førde formannskap å klage sjødeponiet i Førdefjorden inn for ESA-somstolen.

Les også: Men formannskapet klagar fjorddeponi til ESA

Det fekk aksjane til Nordic Mining til å stupe på børsen, skriv hegnar.no i dag.

Aksjen steig kraftig sist fredag, då regjeringa sa ja til sjødeponiet. I dag fall den med 9,2 prosent etter vedtaket i Førde formannskap i går.

– Viktig å seie frå

– Dette fortel meg at det er veldig viktig å seie frå, seier Norvall Nøringset (SV).

Det var han som la fram forslaget om å klage til ESA. Eit framlegg han fekk fleirtal for i formannskapet.

– Det er veldig interessant å sjå at vedtaket får konsekvensar langt inn på børsen. Det viser at aktørane i marknaden ser at det kan bli konsekvensar, seier Nøringset.

Norvall Nøringset

Norvall Nøringset Foto:

Norvall Nøringset

Konsekvensar

– Har du nokon gong komme med eit forslag som har fått liknande konsekvensar?

– Nei i alle fall ikkje på børsen, seier Nøringset.

Han legg til at det kjennest litt uvanleg å komme med eit forlsag i Førde formannskap som får folk i finansmarknaden til å reagere.

– Det viser berre kor viktig denne saka er, seier Nøringset.

Artikkeltags