Mann i 70-åra køyrde utfor vegen på Utvikfjellet

Sjåføren kom frå det uskadd.

DEL

Klokka 14.15 denne søndagen fekk politiet melding om bil som hadde køyrd utfor vegen på fv. 60 over Utvikfjellet i Gloppen kommune.

Ulykka hendte på Utvik-sida av fjellet. Bilen hamna på sida. To personar var om bord i bilen. Dei kom seg ut på eiga hand, og hadde brukt bilbelte, opplyser politiet.

– Dei blei undersøkt på staden når ambulansen var framme, og var etter det vi veit uskadde, seier operasjonsleiar Morten Rebnord i Vest politidistrikt.

Sjåføren var ein mann i 70-åra. Passasjeren er ikkje loggført hos operasjonssentralen, ei heller kor skadd bilen blei.

I 16.00-tida blei bilen henta av bilbergar.

Tips Oss
MMS: FITIPS til 2005 EPOST: redaksjon@firda.no TLF: 57 83 33 33

Artikkeltags