Klokka 12.52 tysdag fekk Vest politidistrikt melding om at ein mann var funnen livlaus i ein silo på ein gard i Vik i Sogn.
Naudetatane rykte ut til staden, og fann mannen i siloen. Han vart henta ut ved hjelp av mannskap frå politi og brannvesenet, skriv Vest politidistrikt i ei pressemelding.
Mannen blei stadfesta død på staden. Dei pårørande er varsla om dødsfallet.
Avdøde var ein mann i 60-åra heimehøyrande i Vik.
Hendinga verkar vere ei arbeidsulykke, skriv politiet vidare. Dei har undersøkt åstaden. Lokalt politi vil etterforske saka vidare.