Vest politidistrikt melde fredag klokka 22.35 at ein mann i 20-åra var sakna i området mellom Fåfjorden og Djupsundet, som ligg mellom Bremangerlandet og Måløy.

Han skal ha reist ut i 16-tida åleine for å dra teiner.

Kystvakt, redningsskøyte, redningshelikopter, mannskap frå Røde Kors og brannbåt med dykkarar vart sett inn i søk, opplyste politiet.

Berre minutt etter politiet gjekk ut med saknameldinga, melde dei at mannen var funnen.

- Redningshelikopteret har funne mannen ved Skorpeholmane. Han verkar å vere i god form og er tatt om bord i Kystvaktskipet. Det skal ikkje vere behov for legetilsyn.

Ifølgje politiet skal båten ha kantra.