(NETTAVISEN:) Det skriv TV 2 fredag ettermiddag.
Mannen i 50-åra skal ha kontakta artistane Ina Wroldsen og Tone Damli i fleire år.
Litt tidlegare i år skal dei to ha gått saman om ei politimelding, og 29. mai vart mannen dømt i Oslo tingrett til besøksforbod.
16 års forfølging
Ifølge rettsdokumenta har Wroldsen mottatt meldingar jamleg frå mannen i hele 16 år, skriv TV 2. Han skal ha fortalt at «han elskar henne, at ho er gud, at dei høyrer saman og at dei skal herske over verda dei lagde saman».
Fleire av desse meldingane skal ha vore av seksuell karakter. Retten fortel at Wroldsen skal ha blokkert vedkommande på sosiale medium, men mannen skal deretter ha forsøkt å kontakte artisten via familien hennar. Han har også prøvd å stemne henne for forliksrådet.
– Det er leit når det går så langt at vi er nøydde til å bruke rettssystemet for å sikre jentenes fred, men med så omfattande krenkingar, var det nødvendig å be om et kontaktforbod, seier John Christian Elden, som er Damlis og Wroldsens advokat, til vekebladet.
Utpressa Damli
Damli skal ha mottatt seksualiserte meldingar frå mannen sidan 2015 på Instagram. Han skal også ha trua henne via e-post, noko som har gjort at Damli har frykta for tryggleiken til seg sjølv og familien.
Att på til skal mannen også ha involvert Damli i sin kontakt med offentlege etatar rundt namnebyte og søknad om valdsofferstatning. Dette har ført til at retten har komme fram til at mannen verkar psykisk ustabil. Ifølge Her og Nåskal mannen også ha forsøkt å presse Damli for fleire hundre tusen kroner.
Han har tidlegare hatt besøksforbod, men ikkje godtatt dette. Nå får han ikkje lov til å oppsøke, forfølge eller på noko vis ta kontakt med Damli og Wroldsen. Forbodet gjeld fram til mai 2020.