Lat oss tenne våre lysande hjarte

KommentarDette er ein kommentar, skrive av ein redaksjonell medarbeidar. Kommentaren gir uttrykk for skribenten sine haldningar.Vi tenner våre lysande hjarte

Eit hjarte for alle som døyr

Eit hjarte for alle som gret

Eit hjarte for alle som er redde

Eit hjarte for dei einsame

Eit hjarte for dei som har mista jobben

Eit hjarte for dei som kanskje misser huset sitt

Eit hjarte for dei som ser livsverket sitt falle i grus

Eit hjarte for lærarar, som er dei første som blir sjuke

Eit hjarte for helsearbeidarar og bussjåførar og kassadamer og drosjesjåførar og alle dei andre som aldri veit om dei kjem friske heim frå jobb

Eit hjarte for polakkar som sit i grå linoleumsbrakker og stirar ut i regnet

Eit hjarte for dei som no er fanga i heimar dei ikkje har det godt i

Eit hjarte for studentar som sit einsame på hyblane sine i den triste, tomme byen

Eit hjarte for eldre som sit månad etter månad åleine, utan å få besøk

Eit hjarte for alle som saknar nærleiken

Som saknar å leve

Alle som snart ikkje orkar meir

Vi tenner våre lysande hjarte som ei melding til dei

For når alt er i spel og ingen ting er sikkert, har vi berre ein ting att:

Kjærleiken.

Omsorga for kvarandre.

Om det som berre er eit lysande hjarte.

Det er det vi har.

No.

Stå i det, folkens.

Ha trua, hald på håpet.

Redninga er ikkje langt unna no.

Lat oss tenne våre lysande hjarte i kveld.