Gå til sidens hovedinnhold

Lærarar bekymra – fleire uvaksinerte til skulestart

Utdanningsforbundet får meldingar frå lærarar og barnehagetilsette som ikkje har fått den første vaksinedosen sin før skulestart.

– Vi går inn i hausten med akkurat dei same spørsmåla som for nokre månader sidan. Det er synd vi ikkje er over den kneika, seier Thore Johan Nærbøe, leiar i Utdanningsforbundet i Innlandet, til NRK.

Før sommaren vart det signalisert at tilsette på skular og i barnehagar skulle få den første vaksinedosen sin innan skulestart, men ikkje alle har fått denne.

Nærbøe fortel at dei får daglege førespurnader frå medlemmer som er bekymra for arbeidssituasjonen, spesielt etter at det vart kjende at barn og unge under 18 år frå 16. august får fritak frå plikt til smittekarantene.

Assisterande helsedirektør Espen Nakstad seier han forstår uroa til skule- og barnehagetilsette som har mykje kontakt med barna.

– Det kan bli vanskeleg i starten, men vi trur det skal gå bra, seier han til NRK.

(©NPK)

Les også

Uvaksinerte helsearbeidarar kan bli omplasserte

Les også

No har også alle mellom 18 og 25 fått time. Gina (17) fekk sin første vaksinedose

Les også

Delta-bekymring: Gjenopninga av Noreg blir utsett

Kommentarer til denne saken