Kvernhaugtunnelen på fv. 55 i Høyanger kommune er stengd, melder Vegtrafikksentralen på Twitter like før klokka 08.00.
Operasjonsleiar Tom Johannessen ved Vest politidistrikt opplyser til Firda at ein personbil har gått tom for straum inne i tunnelen.
– Bilbergar er bestilt, men det er førebels ikkje kjent kor lenge tunnelen blir stengd, seier han.
Politi er på veg til staden, men det er ikkje meldt om personskadar.
Klokka 09:08 melder Vegtrafikksentralen at bilbergar har vore på staden og at tunnelen no er open for fri ferdsel igjen.