Gå til sidens hovedinnhold

Køyrde 49 km/t over fartsgrensa – jente i tenåra mista lappen

Køyrde i 129 kilometer i timen i 80-sone.

UP hadde torsdag kveld ein laserkontroll på rv. 15 ved Skårhaug i Nordfjord.

Området hadde 80-sone, men nokre bilistar trakka litt for hardt på gassen. Den høgste farten vart målt til 129 km/t.

– Ei jente i tenåra frå Nordfjord fekk kverrsett førarkortet, og vert meld til politiet, skriv UP i ein melding til Firda.

Vidare fekk seks bilistar forenkla førelegg for å ha køyrd for fort. Den høgste farten blant desse seks var 98 km/t.

UP-patruljen delte også ut to bøter for manglande bruk av bilbelte.

Kontroll i 70-sone

Same kveld hadde UP også ein laserkontroll på rv. 15 i Oppstryn.

Fartsgrenseskiltet synte 70, men det var det tre bilistar som ikkje følgde fartsgrensa og måtte betale bot.

Den høgste farta her var målt til 82 km/t.

Raymond (32) skulle berre brenne nokre pallar og litt papp. Så fauk glør ut av konteinaren

Politiet tar avhøyr etter konteinar-brann på Skilbrei