Gå til sidens hovedinnhold

Innbrot i fleire hytter i Fjærland

Politiet har oppretta sak etter innbrot i fleire hytter.

Tysdag kveld var det innbrot i fleire hytter ved Bøyafjellstølen i Bøyadalen i Fjærland.

– Melder ringde inn og fortalde at det hadde vore innbrot i hytta si. Personen kunne også sjå at det hadde vore innbrot i fleire hytter i same område, fortel operasjonsleiar i Vest politidistrikt Per Algrøy.

Algrøy fortel at det har vore innbrot i fire hytter, og skadeverk i éi hytte.

– I eine hytta er det tømt eit brannsløkkingsapparat. Det er også knuste ruter og dører som er brotne opp.

Det er stole ei propanflaske frå den eine hytta.

– Vi kan ikkje sjå at noko meir enn propanflaska er vekke, seier operasjonsleiaren.

Politiet har oppretta sak, og etterforskar vidare.

– Politiet har tatt åstadundersøking og prøvd å sikre spor, seier Algrøy.

Kommentarer til denne saken