Lastebilsjåfør hadde for kort kvil – meldt til politiet

Lokale nyheiter - 5 kr for 5 veker

Statens vegvesen hadde kontroll ved Kjøs bru i Hornindal søndag kveld. Då stoppa dei ein lastebilsjåfør som hadde brote kviletida si. Sjåføren hadde latt lastebilen stå i litt under 7 og ein halv time.

Reglane seier at ein skal la bilen stå elleve timar kvart døgn. Tre gongar per veke kan dette kortast ned til ni timar.

– Vi har litt slingringsmonn. Men denne sjåføren blei meld til politiet, og blir nok bøtelagt, seier Ove Garlid i Vegvesenet.

Lastebilen blir også sendt til bedriftskontroll, fortel han.

I tillegg gav Vegvesenet bruksforbod til to andre sjåførar. Begge desse hadde ting hengande i frontruta.

– Det er ikkje lovleg. Dei fekk bruksforbod til dei hadde rydda opp i frontruta si, seier Garlid.

Utover dette gav Vegvesenet åtvaringar til fleire sjåførar, mellom anna for små brot på kviletida.