(SOGN AVIS): Litt under 20 dagar før tunnelen er planlagt å opna er trafikken på riksveg 5 for første gong blitt skyssa gjennom Kjøsnestunnelen denne veka.
Den 6,5 kilometer lange tunnelen skal etter planen opnast den niande november. Då vil heile etappen langs den naturskjønne, men rasutsette Kjøsnesfjorden gå i tunnel. Prosjektleiar Svein Reidar Dale i Statens vegvesen seier dei er i rute.
Blir til rømmingsveg
Kjøsnestunnelen skal kople seg på den eldre Støylsnestunnelen 500 meter utanfor den gamle utgangen på Skei-sida av tunnelen. Dale forklarar at det er arbeid i fjellhallen som knyt dei to tunnelane saman som no gjer at trafikken blir sendt gjennom den nye delen.
– Vi jobbar no med å sette saman den nye og gamle delen. Dette starta vi med på tysdag, og på onsdag starta vi med å sende trafikken gjennom den nye delen, seier han.
Han forklarar at det no er kolonnekøyring gjennom tunnelen døgnet rundt.
– Dette er det siste arbeidet som blir gjort før vi opnar.
Kjøsnestunnelen er snart ferdig: Skøyter saman to tunnelar for å legge «heile fjorden» i fjell