Sjokk og vantru pregar dei tilsette i Fredskorpset

SJOKKA: – Vi veit at ein del statlege arbeidsplassar blir flytta, men at Fredskorpset blir vurdert er veldig overraskande, seier Marianne Jorddal og Erik Thompson, tillitsvalde i Fredskorpset.

SJOKKA: – Vi veit at ein del statlege arbeidsplassar blir flytta, men at Fredskorpset blir vurdert er veldig overraskande, seier Marianne Jorddal og Erik Thompson, tillitsvalde i Fredskorpset. Foto:

OSLO: – Det er klart at det var eit stort sjokk. Vi har ikkje fått noko grunngjeving på kvifor vi blir vurdert flytta.

DEL

Det seier Marianne Jorddal, tillitsvald for Delta i Fredskorpset.

Tysdag blei det klart at Utanriksdepartementet innan 1. juni skal greie ut ei omlokalisering av Fredskorpset, som omfattar vurdering av å lokalisere verksemda til Førde, Trondheim eller Stavanger.

– Vi fekk vite om ei eventuell flytting på allmøte i går, seier Jorddal og held fram:

– Det er klart at det var eit stort sjokk. Vi har ikkje fått noko grunngjeving på kvifor dette blir vurdert. Det er vi spente på å få.

Fredskorpset sitt hovudkontor i Oslo tel 40 tilsette.

Overraska av flytteplanar

Tillitsvald Erik Thompson understrekar at det er flyttinga i seg sjølv dei tilsette er overraska over.

– Sjokk og vantru skildrar reaksjonane frå dei tilsette, seier han.

Oppgåva deira framover blir å vareta dei tilsette.

– Det er vanskeleg å meine noko om plassane på noverande tidspunkt. Vi må innrette oss etter at ei relokalisering blir vurdert, og jobbe med leiinga i prosessen framover, seier Thompson.

Fryktar at folk søker jobb andre plassar

Jorddal seier fokus blir å halde på dei tilsette.

– Vi er jo redde for at folk søker jobb andre plassar. No må vi ta vare på medlemmene våre, seier Jorddal.

Artikkeltags