Gå til sidens hovedinnhold

Fleirtal meiner skjenkestopp bør halde fram

Berre éin av fire meiner det nasjonale forbodet mot alkoholservering bør opphevast, viser Opinions koronamonitor.

Då dei vart spurde i påskeveka, meinte 55 prosent av dei 3.000 spurde at styresmaktene ikkje bør oppheve det nasjonale forbodet mot skjenking av alkohol, skriv Opinion.

Også i landsdelar med relativt låg smitte, mellom anna Trøndelag, er det langt fleire som seier nei enn ja til å opne opp for skjenking.

– Vi saknar ein fest og dagen derpå kan nok dei fleste òg leve med. Men langsiktig minnetap, slappheit og seinskadar av koronasmitte eller nye rundar med nedstenging, gir nok mange ein bismak trass utepilssesong, seier seniorrådgivar Nora Clausen i Opinion.

Allereie neste veke skal den nasjonale skjenkestoppen vurderast av helsestyresmaktene, saman med dei andre tiltaka som vart innførte over heile landet 25. mars.

(©NPK)

Les også

Slik er Erna Solbergs plan for gjenopning av Noreg

Les også

Nordmenn som er vaksinerte eller immune mot covid-19, kan få eige koronasertifikat

Les også

Regjeringa innfører massetesting i skulane

Les også

FHI opnar for å la lærarar rykkje framover i vaksinekøen

Kommentarer til denne saken