Politiet melde om ulykka klokka 04.30.
Bilane skal ha kollidert front mot front, der det sat tre personar i den eine bilen og éin person i den andre.
Då naudetatane kom til staden, var alle personane bevisste, men skadeomfanget er ukjent. Dei vart alle sende til sentralsjukehuset i Førde for vidare behandling, opplyser politiet.
Bilane fekk store materielle skadar, og som følgje av ulykka var rv. 5 stengd i ein periode. Om lag klokka 06.00 vart vegen opna igjen.
– Kom seg ut på eiga hand
– Alle kom seg ut av bilane på eiga hand, men alle blei køyrde til sjukehus for ein sjekk, seier Tatjana Knappen, i Vest politidistrikt klokka 09.20 laurdag morgon.
Ho seier også at det var unge menn i begge bilane. Politiet kan på noverande tidspunkt ikkje seie noko om årsaka til ulykka.
_1.jpg?chk=5905A5)
Ku-kork på E39 i Førde sentrum
Brannen på Byrkjelo er no sløkt. Rundt 50 dyr redda ut
