Gå til sidens hovedinnhold

Finansdepartementet ber bankane droppe utbytte

Artikkelen er over 1 år gammel

Bankane bør vente med å dele ut utbytte for å vere best mogleg sikra mot alvorlege økonomiske tilbakeslag under koronakrisa, ber finansministeren.

Godt kapitaliserte bankar er ein føresetnad for at bankane skal kunne dekkje store tap og halde fram med å gi lån til bedrifter og hushald. Det er derfor viktig at dei held tilbake overskotsmiddel no, skriv Finansdepartementet i ei pressemelding.

– Sjølv om vi i dei siste månadene har sett teikn til oppgang i norsk og internasjonal økonomi, er faren langt frå over. Eg legg derfor til grunn at norske bankar ventar med å dele ut utbytte eller kjøpe tilbake aksjar til uvissa er ytterlegare redusert, seier finansminister Jan Tore Sanner (H).

(©NPK)

Kommentarer til denne saken