Klokka 10:33 søndag morgon, melder Norled på sine heimesider at ei av ferjene er innstilt grunna tekniske problem.

Det er C-ruta, altså «M/F Stavanger», som er innstilt. Det er ikkje opplyst om kor lenge dette vil vare, anna at ferja «er innstilt inntil vidare».

For ganske nøyaktig ei veke sidan, vart same ferje, «M/F Stavanger», innstilt grunna tekniske problem. Den gongen var det ein programvarefeil som sette ferja ute av spel i fire dagar. Det er uvisst om det er same årsak denne gongen.