– Vi er veldig godt nøgde med årets program. Mange fantastiske artistar.

Det fortel Sigurd Kvikne i ei pressemelding.

Festivalen i Balestrand har, som mange andre festivalar, hatt ufrivillig pause i to år på grunn av pandemien. 6.–8. mai kan Kvikne endeleg ønske velkommen til jazzfestival igjen.

– Det har vore tungt ikkje å få bidra med musikkglede for publikum dei siste to åra. Men det var heilt rett ikkje å arrangere Balejazz dei siste gongane. No er vi derimot sterkt tilbake, og eg håpar at både nye og gamle festivalgjengarar tek turen til Balestrand desse maidagane, seier Kvikne.

Første gong i Norge

På plakaten står fleire kjende artistar. Ein av dei er også ein personleg favoritt blant festivalsjefen.

– Det er spesielt morosamt at Balejazz er første staden i Norge der den personlege favoritten min, Lars DK frå Danmark, har konsert, seier Kvikne.

I tillegg til Lars DK, kjem den folkekjære visesongaren Jan Eggum og musikaren Bernhoft.

Desse spelar på Balejazz:

  • The Real Group
  • Bernhoft
  • Jan Eggum
  • Lars DK
  • Dark Side Of The Wall
  • Håkon Kornstad Duo
  • Kåre Kolve Electric Band
  • Anita Nordheim Blues’n’Groove Company
  • Økland & Apeland
  • Sinikka Langeland Ensemble
  • Fieh
  • Kristin Asbjørnsen
  • Bergen Blues Band
  • Gratiskonsert med Hovedøen Social Club

Les også

Lovar meir enn berre musikk på årets Utkant: – Høgt kvalitetsnivå

Les også

Førdefestivalen er klar for 2022. Desse artistane blir å sjå på scena

Les også

Rekordmange artistar på årets countrytreff