Eit reisefølge frå Bergen testa alle positivt på koronavirus etter tur til Stryn. Reisefølget hadde leigd leilegheit, og gjekk på fjellturar i området.

– Utanom fjellturar var dei innom Stryn Gastrobar torsdag 15. juli. Fredag var dei på restaurant Hoven, og tok Skyliften ned. Dei gjekk via Ferrata opp til Hoven, skriv kommunen.

Stryn kommune skriv på heimesida si at definerte nærkontaktar blir testa, og besøkande som registrerte seg på dei same serveringsstadane som reisefølget var, har fått SMS med beskjed om at dei kan ha blitt utsett for smitte.

Vidare skriv kommunen at det er ingenting som tyder på at reisefølget vart smitta i Stryn.