Gå til sidens hovedinnhold

Coop kallar tilbake argentinske reker

Coop kallar tilbake produktet «Villfangede argentinske reker med cayenne», 170 gram, etter mistanke om listeria.

– Det er funne spor av listeria i ein rutinekontroll av produktet. Kundane skal vere trygge på den maten dei kjøper hos Coop, og derfor ønskjer vi å vere på den sikre sida og trekkjer produktet frå alle butikkane våre inntil vi får svar på fleire prøver, seier kommunikasjonssjef Harald Kristiansen i Coop Noreg.

Produktet er levert til 49 butikkar, og vara er no fjerna frå desse. Produktet har best før-dato 21. september.

Butikkjeda oppmodar kundar som har kjøpt produktet med den spesifikke bruksdatoen om å levere produktet tilbake til butikken, slik at dei kan få refundert pengane.

(©NPK)

Kommentarer til denne saken