Gå til sidens hovedinnhold

Bil køyrde av vegen

Mistanke om ruskøyring.

Klokka 1008 køyrde ein bil av vegen og ut i grøfta i Balestrand. Ulukka skjedde på fylkesveg 55 på Tue i retning Høyanger. Det fortel operasjonsleiar Steinar Hausvik.

Det var ein mann som køyrde bilen som for av vegen, og han var ifølge operasjonsleiaren åleine i bilen då ulukka fann stad.

– Det skal vere glatt på staden, fortel Hausvik.

Uskadd førar

Både ambulanse og brannvesen rykte ut til ulykka, og politiet er også på veg.

– Etter det vi kjenner til, er føraren uskadd, seier Hausvik.

Det var i følgje Hausvik ein del kø på staden.

– Bilbergar er på veg, seier han.

Men klokka 13 melder politiet om at dei er ferdig på staden, og at trafikken går som normalt att.

Mistanke om rus

– Vi mistenkjer at førar har køyrt bil i rusa tilstand. Det er teke blodprøve, og førar vil bli meld, opplyser politiet på twitter.

Saka er oppdatert klokka 1324