Gå til sidens hovedinnhold

Ber reiselystne nordmenn gjere kloke val

Mange nordmenn har fått meir lyst til å feriere i utlandet, viser undersøking. Fleire forsikringsselskap ber likevel folk om å tenkja seg om og gjera kloke val.

I ei fersk spørjeundersøking for Tryg Forsikring svarar 43 prosent at dei planlegg å feriera i utlandet i år.

– Vi merkar at det er ei aukande reiselyst blant nordmenn, noko denne spørjeundersøkinga stadfestar. Mengda som planlegg utanlandsferie har auka med fem prosent sidan vi spurde om det same i september. Det betyr at over ein million nordmenn no planlegg for at dei skal ha utanlandsferie, seier kommunikasjonsrådgjevar Torbjørn Brandeggen i Tryg Forsikring i ei pressemelding.

Han meiner den gryande reiseoptimismen truleg heng saman med at ein no har fått vaksinar mot covid-19 og at desse vil bli meir og meir tilgjengelege utover vinteren og våren.

Åtvarar mot overdriven optimisme

Brandeggen ber likevel folk unngå å kjøpe ferie til land som no er raude, i håp om at dei skal bli grøne når ferien kjem.

– Alle land i Europa er for tida raude. Tingar du ei reise til eit land medan det er raudt, fråskriv du deg all avbestillingsdekning uansett når du skal reise, seier han.

Les også

Regjeringa innfører strenge, nye koronatiltak etter jula

– Ekstra viktig å ta kloke val

Også Europeiske Reiseforsikring oppmodar folk til å ta kloke val når dei planlegg ferien.

– Når det er raudt i reisekartet til norske styresmakter, bør ein gjera som i trafikken, stoppa opp og venta på klarsignal. Det er førebels liten grunn til å tru at sommaren i år blir normal, og norske styresmakter har heller ikkje varsla endringar i vurderingane rundt reiseråd, seier kommunikasjonssjef Andreas Bibow Handeland i Europeiske Reiseforsikring, som er ein del av If, i ei pressemelding.

Han oppmodar difor folk til å tenkje seg om og ikkje utan vidare bitE på freistande reisetilbod.

– Det kan føre til at du betalar for ei reise du aldri får reist på, seier Handeland.

Les også

Kommuneoverlegen synest det er vanskeleg å forsvare dei nye koronatiltaka

Les også

Person smitta etter å ha vore i utlandet

Les også

To personar testa positivt etter ferietur i utlandet

Kommentarer til denne saken