Nominert til «Årets folkemusikkarrangør»
NOMINERT: Folkemusikkfestivalen er blant tre nominerte til «Årets folkemusikkarrangør 2017». bildet er frå Sigmund Eikås-konserten «På hogg og belegg». Foto: Martha Linnea Pukallus
KULTUR: Konkurrerer mot arrangørar frå Hedmark og Oppland/Buskerud.
Førdefestivalen er blant dei nominerte til «Årets folkemusikkarrangør 2017».
Prisen blir delt ut under Folkelarm 2017 den 18. november på Riksscenen i Oslo.
Utdelinga er årleg, og blir gjort av interesseorganisasjonen for folkemusikk- og folkedans i Norge, FolkOrg.
Prisen blir tildelt folkemusikkarrangørar som på kvart sitt vis har utmerka seg spesielt, og i år går prisen til ein arrangør som har synt evne til å skape interesse og entusiasme for dansen og musikken gjennom gode arrangement.
I tillegg til Førdefestivalen, er Heme Dine og Storefjelltreffen nominerte.