Sogndal-spelar Even Hovland sin overgang til Molde vart stoppa like før overgangsvinduet stengde 31.august. Klubbane vart ikkje einige.

– Vi forhandla, men kom aldri nærme nok til at vi kunne lande ein avtale. Vi gav Sogndal eit bud som vi meiner er godt i dagens marknad. Dei ville ha atskilleg meir pengar, seier direktør Tarje Nordstrand Jacobsen til rbnett.no.

• Les også: Hovland blir i Sogndal

Sogndal sa ja

Molde har følgt Hovland tett i to år. I fjor haust prøvde klubben å kjøpe midtstopparen for første gong. Men i vinter var ein overgang svært nære.

– I mars var samtalene konkrete, og då fekk vi beskjed om at Sogndal aksepterte tilbodet som låg på bordet. Likevel sa dei nei fordi det var så få dagar igjen av vindauget at dei ikkje rakk å hente ein erstattar, seier direktøren vidare.

Vil prøve i januar

Sjølv om Nordstrand Jacobsen har fått nei fleire gongar, vil Molde prøve seg igjen over nyttår.

– Vindauget i januar er ein ny sjanse og vi kjem nok til å prøve ein gong til, stadfestar Tarje Nordstrand Jacobsen.