– Klubben fortente dette, og byen fortente dette. Fantastisk for heile Hnefoss. Alle står bak opprykket og alle kan vere stolte av seg sjølve, sa Ole Bjørn Sundgot til Firda etter ha motteke hyllest frå eit rekordstort heimepublikum.

Kontrasten var stor på AKA-stadion. Medan Sogndal måtte reise heim med lite anna enn ei reiserute til Kongsvinger, kunne Hønefoss sleppe jubelen laus. Då Ole Bjørn Sundgot tok over kvittrøyene i 2008 var det svært låge forventningar til han og laget. I dag kunne heimelaget feire med allsong, dans og julebrygg.

• Sjå bileta frå kampen

– Betre enn Sogndal

– Det med opprykk begynte vi ikkje tenke på før i haust, då vi vann ein del kampar etter sommarpausen. Vi visste at det ville bli ein tøff kamp mot Sogndal i dag, og slik vart det. Det var ein god taktisk kamp av oss. Sogndal måtte vinne, dei opna seg opp, og vi fekk ein del sjansar. Sjølv om det vart mållaust føler eg at vi var betre enn Sogndal og nærast sigeren, oppsummerte Sundgot.

• Les kampreferat

Emberland skuffa

I Sogndal-garderoben var stemninga desto tyngre.

– No er spelarane skikkeleg skuffa, men vi må omstille oss på måndag, seier trenar Karl Oskar Emberland som alt på fredag skal ut i ny cupfinale mot Kongsvinger.

– Det blir ein heilt anna kamp enn denne. Men no blir vegen til Tippeligaen lengre, seier han skuffa.