Med siger ville det ha vore seks poeng ned til tredjeplass, men etter 2-3 tapet mot Haugesund tysdag kveld er det plutseleg no like mange poeng ned til sjetteplassen - som ikkje gir sjansen til kvalifisering.

– Vi er jo ikkje dumme heller. Vi kan seie mykje viss, om, og men. Men vi må tole å spele slike kampar som dette om vi skal vere gode nok til opprykk, seier kaptein Rune Bolseth som meiner bortelaget var langt meir piggare i beina enn vertene.

• Les om Sogndal i firda.no sitt fotballmagasin

Svakt I

Heller ikkje glopparen greidde å ta tak i kampen, og saman med lagkameratane vart dei til tider overkøyrd av Haugesund på si eiga heimbane.

– Det ser jo alle. Dette er den desidert verste kampen i år, sukkar han - tydeleg skuffa.

• Vi følgde kampen LIVE

Laber stemning

For på dei siste tre kampane har Sogndal rota bort åtte av ni poeng. Det held ikkje for eit topplag som har ambisjonar om opprykk til Tippeligaen.

– Skulle tru vi låg på nedrykk, seier Bolseth om stemninga i laget etter kampen.

No ventar ein tøff bortekamp mot Ham Kam i neste serierunde.