Sjølv om det var dei raude gjestene frå Kongsvinger som tok med seg alle poenga frå Fosshaugane, er ikkje Tom Nordlie i tvil.

Beste laget

– Eg trur framleis dei rykkjer rett opp. Dei har midlar til å hente Kvalheim, og no høyrer eg snakk om at også ein ny spelar er på veg. Dei har det beste laget, seier han.

Han måtte ta fram alle sine taktiske eigenskapar for å lukkast på Fosshaugane.

– Eg synest vi lukkast bra med dei grepa vi gjorde undervegs, seier han.

Emberland skuffa

Medan Nordlie sitt humør var på topp, var trenar-kollega Karl Oskar Emberland svært skuffa.

– Eg føler oss snytt for poeng i dag, og har fleire sjansar som vi burde ha scora på, seier han som meiner heimelaget var det beste laget.

– Slik kampen utvikla seg hadde det vore greit med uavgjort, legg han til.

Med tre poeng mot Kongsvinger ville Sogndal hatt elleve poeng forsprang ned til Nordlie sitt mannskap. No er det berre fem..