– Vi har ikkje det endelege talet fullførande løparar på toppen av Skåla før seinare i dag. Men det er ingen tvil om at vi har sett ny deltakarrekord.

Ny løpsrekord

Løpsleiar Erik Brenedur strålar om kapp med sola etter årets suksess i Loen. Først sletta tyrkiske Ahmet Aslan løpsrekorden opp med 52 sekund, og det nye gjeldande rekorden hans er på 1,07.38.

– Imponerande. Det er ikkje meir å seie om det, seier Brendefur om Aslan sitt rekordløp opp dei 8,2 bratte kilometrane.

Snart 2000 i mål

Men vel så populært hos løpsleiaren er det faktum at det er sett ny deltakarrekord.

– Vi var litt usikre på om friidretts-NM på Byrkjelo ville påverke vårt arrangement. Og i det perspektivet er vi strålande nøgd med over 1800 deltakarar som har fullført årets Skåla Opp, seier Brendefur og ser at fjorårsrekorden på 1730 deltakarar i mål på toppen, er sletta.

– Det betyr at vi truleg har hatt minst 2500 menneske oppe i Skåla denne flotte augustdagen. Det kan ikkje bli betre, seier løpsleiaren.