Tvinde og Kvalen avanserte i sandvolleyball-VM i Porto som beste gruppetrear etter fullført gruppespel.

Ein sterk 2-0 siger mot det sveitsiske laget Gerson/Kissling i opningskampen var avgjerande for vidare spel i turneringa.

- Den kampen hadde vi kontroll på. Mottak og angrep sat som eit skot, og vi tok poeng heile vegen. Det var berre å halde nervane i ro, seier Tvinde.

Tapte dei to neste
Dei to neste kampane i gruppespelet tapte dei 2-0 både for Polen 2 og Tyskland, men duoen klarde likevel å komme vidare til 8-delsfinalen.

- Vi er vidare som beste gruppetrear, fortel Tvinde.

No skal dei spele mot Russland klokka 14.00 norsk tid.

- Dette er førstelaget til Russland, og dei kom til finalen i sluttspelet i fjor. Dei er eit svært godt lag, men vi skal trø til og sjå kva det blir, seier Tvinde.

Mål om 5. plass
På førehand hadde sandvolleyballduoen sete seg ut ein 5. plass som målsetnad.

- Det er kjekt å komme vidare frå gruppespelet, og vi er med og kjempar vidare. Eg er nøgd med erfaringa eg har fått, og eg veks på kvar kamp vi spelar, seier Tvinde.